У Запрудскiм клубе з нагоды свята "Калядкi" адбыўся цiкавы вечар адпачынку. Усе ўдзельнiкi калядавання з'яўляюцца сябрамi аматарскага клуба "Жывiца", якi створаны пры Запрудскай сельскай бiблiятэцы. Галоўная задача клуба - прымаць удзел у адраджэннi гiстарычнай, нацыянальна-культурнай спадчыны Беларусi, гiсторыi, побыту, звычаяў родных мясцiн. Акрамя наладжвання фальклорных святаў, сябры клуба праводзяць сустрэчы са старажыламi калгаса "Iскра", збiраюць матэрыялы па гiсторыi вёскi, пiшуць свой радавод.